Нэг. Ерөнхий зүйл

1. Олон улс судлалын дээд Сургууль (цаашид ОУСДС гэнэ)-ийн бакалаврын өдрийн хөтөлбөрт 2023-2024 оны хичээлийн жилд оюутан элсүүлэхэд Монгол Улсын “Дээд боловсролын тухай хууль”, Боловсрол, шинжлэх ухааны сайдын 2022 оны 12 дугаар сарын 16-ны өдрийн А/540 тоот тушаалаар батлагдсан “Оюутан элсүүлэх журам”, 2023 оны 03 дугаар сарын 14-ний өдрийн А/97 тоот “Босго оноо тогтоох тухай” тушаал, бусад холбогдох эрх зүйн акт болон энэхүү журам (цаашид журам гэнэ)-ыг баримтална.
2. Элсэлтийн журам, Элсэлтийн Ерөнхий Шалгалт (ЭЕШ)-ын босго оноо болон холбогдох бусад мэдээллийг ousds.edu.mn элсэлтийн системд байршуулна.
3. ОУСДС-д гадаадын харьяат иргэнийг элсүүлэх асуудлыг “ОУСДС-д гадаадын иргэнийг суралцуулах журам”-аар зохицуулна.

Хоёр. Элсэлтийн комисс

1. Элсэлтийн комиссын дарга элсэлтийг зохион байгуулах ажлыг удирдлагаар хангаж ажиллах бөгөөд журмаар зохицуулаагүй асуудлыг комиссын хурлаар хэлэлцэж, шийдвэрлэнэ.

Гурав. Бүртгүүлэгчдэд тавих шаардлага

1.   ОУСДС-д элсэхийг хүссэн иргэд энэхүү журамтай танилцаж, элсэлтийн системд бүртгүүлнэ.
2. Бүртгүүлэгч нь хүснэгт 1-д дурдсан хөтөлбөрөөс сонголт хийнэ.
3. Ур чадварын шалгалттай хөтөлбөрийг сонгосон бүртгүүлэгч ур чадварын шалгалт өгнө.
4. Бүртгүүлэгч нь БҮТ-ийн хүчинтэй батламжтай, эсвэл 2023 онд ЭЕШ өгөхөөр БҮТ-д бүртгүүлсэн байна.
5. Гадаад оронд ерөнхий боловсрол эзэмшсэн Монгол улсын иргэн БШУЯ-ны сайдын 2021оны 10 дугаар сарын 06-ны А/347 тоот тушаалаар баталсан “Олон улсын шалгалтын үнэлгээг Монгол Улсын элсэлтийн ерөнхий шалгалтын үнэлгээтэй дүйцүүлэн тооцох журам”-ыг баримтална.

Дөрөв. Элсэгчийг бүртгэх

1. ОУСДС-д элсэхийг хүссэн иргэд, цахим хэлбэрээр https://ousds.edu.mn  системд болон өөрийн биеэр сургууль дээр ирж  бүртгүүлнэ.
2. Бүртгэл 2023 оны 06 дугаар сарын 05-ны өдрөөс эхэлнэ.
3. Бүртгүүлэгч нь системд шаардлагатай мэдээллээ үнэн зөв оруулна.
4. Бүртгүүлэгч нь элсэлтийн системд оруулсан мэдээллийн үнэн зөв байдлыг өөрөө хариуцах ба алдаатай, буруу мэдээлэл оруулснаас үүсэх асуудлыг ОУСДС хариуцахгүй.
5. Элсэхээр бүртгэгдсэний дараа тус сургуульд тэнцсэн эсэхийг хянаад 1 өдрийн дараа цахим хуудсаар хариу өгнө.

Тав. Элсэгчийг шалгаруулах

1. Бүртгүүлэгчийн ЭЕШ-ын дүн болон бусад мэдээллийг БҮТ-өөс элсэлтийн системд татан авч, холбогдох тооцооллыг хийж, 1 өдрийн дараа мэдээлнэ.
2. Бүртгүүлэгч нь дараах шаардлагыг хангаж байвал шилдэг элсэгч гэж үзэж, албан ёсны эрх бүхий байгууллагаас олгосон батламж, сертификат, баримт бичигт үндэслэн элсүүлнэ. Үүнд:
3. БШУЯ-наас тогтоосон Олон улсын олимпиадад оролцож 1-ээс 3-р байр эзэлсэн, Улсын олимпиадад оролцсон ерөнхий боловсролын сургуулийн төгсөгчийг шууд элсүүлнэ.

Зургаа.  Элсэгчдэд олгох хөнгөлөлт, тэтгэлэг

1. БШУЯ-наас тогтоосон Олон улсын болон улсын олимпиадад оролцож 1-3-р байрт шалгарсан элсэгчийн сургалтын төлбөрийн 50-100 хувийн хөнгөлөлт үзүүлнэ. Үүнд:
2. Олон улсын олимпиадад оролцож 1-ээс 3-р байр эзэлсэн элсэгчид 100%,
3. Улсын олимпиадад оролцож 1-р байрт шалгарсан элсэгчид 100 %,
4. Улсын олимпиадад оролцож 2-р байрт шалгарсан элсэгчид 75 %,
5. Улсын олимпиадад оролцож 3-р байрт шалгарсан элсэгчид 50 %,

Долоо. ЭЕШ-гүйгээр бакалаврын өдрийн хөтөлбөрт элсүүлэх

1. Боловсрол, шинжлэх ухааны сайдын 2022 оны 12 дугаар сарын 16-ны А/540 тоот тушаалаар баталсан “Оюутан элсүүлэх журам”-ын 2.5 дахь заалтын шалгуурыг хангасан иргэнээс ЭЕШ шаардахгүй элсүүлнэ.
2.   Журмын 9.1-д заасан иргэн https://ousds.edu.mn сайтын бүртгэлийн хэсэгт бүртгүүлнэ. Бүртгэлийг 2023 оны 06 дугаар сарын 05-ний өдрийн 09:00 цагт эхэлнэ.
3.  Бүртгүүлэгч нь тус журмын хүснэгт 1-т заасан бакалаврын үндсэн мэргэжлийн хөтөлбөрийн жагсаалтаас сонгон бүртгүүлнэ.
4. Бүртгүүлэгч нь элсэлтийн системд шаардлагатай мэдээллийг оруулж, элсэх хүсэлтээ гаргаж, бүртгэлийн хураамжийг төлнө.
5. Бүртгүүлэхдээ элсэлтийн систем дэх анкетыг бөглөж, дараах бичиг баримтыг цахим хэлбэрээр хавсаргана. Үүнд:
6. Иргэний үнэмлэх эсвэл түүнтэй адилтгах баримт бичиг (гадаад паспорт)
7.  Өмнө нь эзэмшсэн боловсролын диплом, хавсралтын хамт (Гадаад хэл дээр бол Монгол хэл рүү орчуулан нотариатаар гэрчлүүлсэн байна)
8.  Элсэх эрх олгох үйл ажиллагааг 2023 оны 08 дугаар сарын 15-ны дотор зохион байгуулна.
9.  Суралцахаар тэнцсэн хариу авсан элсэгч хөтөлбөрийн 0.5 буюу хагас багц цагийн төлбөрийг төлж суралцах эрхээ баталгаажуулна. Элсэх эрхээ цуцлах тохиолдолд төлбөрийг буцааж олгохгүй. ОУСДС-д суралцахаар тэнцсэн хариу авсан элсэгч цахимаар болон сургууль дээр ирж Суралцах эрхийн бичгээ авна.
10.   Хичээл дүйцүүлэхтэй холбоотой асуудлыг “ОУСДС-д хичээл дүйцүүлэх журам”-аар зохицуулна.

Найм. Бусад

1. Орон нутгаас элсэгчдийн  элсэлтийг нэмэлтээр уламжлалт хэлбэрээр 8 дугаар сарын 20 хүртэл зохион байгуулна.
2. Бүртгүүлэгч нь энэхүү элсэлтийн журамтай биечлэн танилцсан байх үүрэгтэй.
3. Элсэлтийн үйл ажиллагаатай холбоотой гомдол маргааныг элсэлтийн комисс шийдвэрлэнэ.