Энэ хөтөлбөрийн “Бакалавр” зэрэг эзэмшихээр суралцагч нь:

• Ерөнхий эрдэмийн суурь хичээл         –     36 кредит
• Мэргэжлийн суурь хичээл                     –     30 кредит
• Мэргэжлийн хичээлүүд                         –      54 кредит
• Сонгон судлах хичээлүүд                      –      14 кредит

бөгөөд суралцагч өөрийн ирээдүйд ямар чиглэлээр ажил хөдөлмөр эрхлэх хүсэл сонирхолтой байгаагаа харгалзан сонгон судлах хичээлээс өөрөө санаачлан сонгон авсан хичээлийнхээ кредитийн жишгээр ерөнхий ба мэргэжлийн суурь хичээлээс болон мэргэжлийн хичээлээсээ кредит хасуулан тооцуулж болно.

      “Олон улсын харилцаа”- ны бакалаврын зэрэгт олон улсын харилцааны түүх, дипломат алба, консулын алба, дипломат ёслол ба протоколын үндэс, дипломат баримт бичиг боловсруулалт, эдийн засгийн дипломат, соёл ба хүмүүнлэгийн харилцааны дипломат бодлого, олон улсын банк валютын бодлого, геополитикийн үндэс зэрэг нарийн мэргэжлийн хичээлүүдийг судалдаг.

      Энэхүү хөтөлбөрөөр “бакалаврын зэрэг” эзэмшсэн суралцагч манай улсын бүх яам, төрийн захиргааны тусгай албад, төрийн мэдлийн компаниуд, аймаг хотуудын захиргааны төв аппаратын гадаад харилцаа эрхэлсэн хэлтэс, тасаг, ажлын албадад гадаад харилцаа, гэрээ – эрхийн мэргэжилтнээс ажлын гараагаа эхэлдэг тогтсон уламжлалтай. Цаашдаа ажил мэргэжилдээ өсөн дэвшиж олон улсын харилцааны олон шат дамжлагаар өгсөж, олон улсын харилцааны мэргэшсэн, нийгэм – олон улсад хүлээн зөвшөөрөгдсөн мэргэжилтэн, дипломатч, нийгмийн зүтгэлтэн болдог.

         Энэ хөтөлбөрийн цаашдын хандлага:   

       Энэ хөтөлбөрөөр суралцсан төгсөгч нь өөрийн хүсэл сонирхлоор “Олон улсын харилцааны магистр”-ын сургалтанд хамрагдаж болно. Магистрантур сургалт нь 1.5-2 жил. Энэ шатанд суралцагч нь мэргэжлийнхээ дагуу судалгааны ажил хийх онол – арга зүй эзэмшиж, сонирхон сонгосон сэдвээрээ судалгааны ажил бичиж, магистрын зэрэг хамгаалж “Магистр” зэрэг эзэмшинэ.

Энэ хөтөлбөрөөр суралцагч нь:

• Ерөнхий эрдмийн суурь хичээл   – 30 кредит
• Мэргэжлийн суурь хичээл            – 36 кредит
• Мэргэжлийн хичээлүүд                – 54 кредит
• Сонгон судлах хичээлүүд             – 20 кредит

бөгөөд суралцагч  эдгээр сонгон судлах хичээлүүдээс өөрөө сонирхлоороо кредит цагуудыг авч ерөнхий эрдмийн, мэргэжлийн суурь ба мэргэшүүлэх хичээлүүдийн кредит тооцуулан дипломон дээрээ үнэлгээгээ бичүүлж болно.

          “Эдийн засаг”-ийн бакалаврын зэрэгт эдийн засгийн онол, сургаалын түүх орчин үеийн эдийн засгийн онолууд, макро ба микро эдийн засаг, эдийн засгийн анализ, санхүүгийн шинжилгээ, салбарын эдийн засаг, олон улсын эдийн засгийн харилцаа зэрэг суурь эрдмийн хичээлүүдийн зэрэгцээ монгол улсын нийгэм, соёл эдийн засгийн амьдралын чухал хичээлүүдийг тусгайлан анхаарч судлуулдаг юм. Эдийн засагчийн мэргэжил бол аль ч улс орны нийгмийн амьдрал, практикт өргөн дэлгэр хэрэгцээтэй эдийн засгийн салбарын  төрөл бүрийн ажлын байранд хэрэгцээ ихтэй байдаг. 

Энэ хөтөлбөрийн боловсрол ба мэргэжлийн цаашдаа өсөж, дэвших хандлага:

Энэ хөтөлбөрөөр суралцсан төгсөгч нь өөрийн хүсэл, сонирхлын дагуу “Эдийн засгийн магистрантур” -т дэвшин суралцах боломжтой. Магистрантурын сургалт 1.5-2 жил. Энэ шатанд суралцагч нь мэргэжлийн дагуу эрдэм шинжилгээ – судалгааны ажил хийх онол – арга зүй эзэмшиж, өөрөө тусгайлан сонирхож сонгосон сэдвээрээ судалгааны ажил бичиж хамгаалалт хийснээр магистрын зэрэг эзэмшигч болно.

Энэ хөтөлбөрөөр суралцагч нь:

• Ерөнхий эрдмийн суурь хичээл               – 30 кредит
• Мэргэжлийн суурь хичээл                       – 38 кредит
• Мэргэжлийн хичээлүүд                            – 54 кредит
• Сонгон судлах хичээлүүд                        – 22 кредит 

     бөгөөд суралцагч сонгон судлах хичээлүүдээс сонирхсон хичээлээ үзэж бакалаврын зэргийн түвшинд тооцогдох ёстой албан ёсны кредитийг биелүүлээд харин заавал судлах хичээлүүдээс заримыг нь сонгосон кредит хичээлээрээ нөхөн орлуулж болно.

          Бизнесийн удирдлагын бакалаврын зэрэгт судлах хичээлүүд нь аль ч салбарт бизнес эрхлэхэд шаардлагатай мэдлэг, боловсрол өгдөг менежмент, мөнгө санхүү, нийгэм хүмүүнлэгийн харилцаа, монголчуудын уламжлалт ба орчин үеийн аж амьдрал, оюун ухаан, зан суртахуун, соёл үнэт зүйлийн тогтолцоо, түүх зан заншлын уламжлал хийгээд шинэчлэл зэрэг олон талын асуудлуудыг иж бүрэн хамарсан байдаг онцлогтой. Бизнесийг хөтлөн явуулах эв зүй, арга чадвар, ур ухааныг энэ хөтөлбөр олгодог.

“Бизнесийн удирдлага” –ын мэргэжилтэй, дээд боловсролтой хүнд ардчилал ба зах зээлийн нийгэмд шилжиж байгаа манай орны хөдөлмөрийн зах зээл дээр ажлын байр элбэг олддог. Энэ мэргэжлийн магистрантурын сургалт 1.5-2 жил байдаг. Ахисан түвшний сургалтын энэ шатанд суралцагч нь бизнесийн онолын арга зүйг гүнзгийрүүлэн эзэмшиж, орчин үеийн бизнесийн ухааны ямар нэг чухал асуудлаар магистрын зэргийн судалгааны ажил бичиж, магистрын зэрэг хамгаалдаг юм. Магистрын зэрэгтэй хүн цаашдаа бизнесийн ухааны салбарт докторын зэрэг хамгаалахаар докторантурт элсэн суралцаж болно.

Энэ хөтөлбөрөөр суралцагч нь:

• Ерөнхий эрдмийн суурь хичээлүүд     
• Мэргэжлийн суурь хичээлүүд                        
• Мэргэжлийн хичээлүүд                          
• Сонгон судлах хичээлүүд     
  
  бүгд 120 кредит хангана.

Суралцагч ирээдүйдээ ямар чиглэлээр ажил, хөдөлмөр эрхлэх хүсэлтэй байгаа зорилгоосоо хамаарч сонгон судлах хичээлүүдээс үзэж болох бөгөөд түүнийхээ кредитэд тохируулан ерөнхий эрдмийн болон мэргэжлийн хичээлүүдээс чөлөөлөгдөж болдог.

“Эрх зүй”-н бакалаврын зэрэгт суралцагч нь

1. Эрх зүйн ухааны онолын боловсрол олгох “төрийн ба эрхийн онол”, “эрхийн философи”, “хуулийн зүйл, заалтын томъёололуудын логик үндэслэл”, “хууль эрхийн ухааны түүхэн уламжлал”;
2. Салбар эрх зүйн бүх л төрлүүд;
3. Өнөөгийн монгол орны хөгжлийн түвшинтэй хийгээд монгол нийгмийн түүхэн уламжлалтай нягт уялдуулан өнөөгийн монголын хууль, эрх зүйн асуудлуудыг танин мэдэж, ухааран боловсордог.

Эдгээр нь Олон улс судлалын дээд сургуулийн бүтэц дэх эрх зүйн бакалаврын боловсролын гол онцлог юм.

Манай сургуулийн эрх зүйн салбарын сургалт нь практик амьдрал, улс орныхоо хууль – эрх зүйн орчны бодит нөхцөлтэй нягт уялдаа холбоотой явагддаг билээ.

Сэтгүүл зүй хөтөлбөр нь: Хүмүүнлэгийн болон нийгмийн шинжлэх ухаануудын үндсэн онолтой танилцсан, аливаа үйл явдал асуудлыг задлан шинжлэх чадвар эзэмшсэн, дэлхий ертөнцийн сонин содон мэдээллийг олон нийтэд мэдээлэхийн тулд 2-с доошгүй гадаад хэл эзэмшиж мэргэжлийн үйл ажиллагаандаа ашигладаг, нийгэм олон нийтэд мэдээлэл түгээх ёс зүй соёлын хэм хэмжээг эзэмшсэн байна.

Ажлын байрны чиглэл, албан тушаал :  Сэтгүүлч, Сурвалжлагч, Зохиолч, Редактор, Тоймч, Цахим сэтгүүлч, Хөтлөгч, нэвтрүүлэгч, Тайлбарлагч, Судлаач, Хэвлэл мэдээллийн ажилтан, Хэвлэлийн төлөөлөгч, Олон нийтийн харилцааны мэргэжилтэн..зэрэг.

Энэ хөтөлбөрөөр суралцагч нь:

• Ерөнхий эрдмийн суурь хичээлүүд;
• Мэргэжлийн суурь хичээл
• Мэргэжлийн хичээлүүд
• Сонгон судлах хичээлүүд,

  бүгд 120 кредитээс доошгүй байхаар сургалтанд хамрагдана.

Энэ хөтөлбөрийн нэн тэргүүний онцлог бол англи хэлийг ажил, мэргэжлийнхээ үндсэн хэрэглээний түвшинд эзэмшсэн байх ёстой. Гэвч суралцах оюутны хувийн сонголтоор япон, солонгос, хятад зэрэг манай орны нягт хамтын ажиллагаатай орны албан ёсны хэлийг тусгайлан эзэмшүүлж болдог.

Монгол улсын аялал жуулчлалын салбарын онцлогоос хамаараад баруун европын франц, герман, испани, итали хэлнүүдийг бас тусгайлан сонгож суралцах боломжтой. Ер нь аялал, жуулчлалд иргэд нь өргөн хамрагддаг өндөр хөгжилтэй орны албан ёсны хэл судлал энэ хөтөлбөрт чухал байр суурийг эзэлдэг юм.

“Аялал жуулчлалын менежмент “-ийн бакалаврын зэргийн сургалтын нөгөө нэг чухал онцлог нь монгол орныхоо түүх, соёл хийгээд ард иргэдийнхээ аж амьдралын онцлог түүхэн ёс заншлыг нэвтэрхий сайн мэдэх явдал байдаг. Иймд монгол нийгмийн хөгжил, монголчуудын эдийн ба оюуны соёлын бахархалт зүйлийг тайлбарлан таниулж чаддаг байх хэрэгтэй учраас “монгол судлал”, “монголын уламжлалт ёс заншил”, “шашин шүтлэг”, “үндэсний зоог”, “тэмдэглэлт баяр ёслол” зэргийг дэлгэрэнгүй судална.

Гуравдугаарт, энэ мэргэжлийн ажил үйлийн чухал хэсэг болсон “зочид буудлын сүлжээ, түүний удирдлага, үйлчилгээ”, “жуулчны баазын аж ахуй, санхүү”, “жуулчдын нисэх онгоц, галт тэрэгний сүлжээний бизнес” зэргийг нарийвчлан судалдаг.

Аялал жуулчлалын бизнесийн мэргэжил бол ихээхэн эрэлттэй, бас их нарийн төвөгтэй, олон талтай байдгаараа онцлог юм.

“Улс төр судлал” хөтөлбөр нь: Ардчилсан нийгмийн тогтолцоог бэхжүүлэхэд улс төрийн шинжлэх ухааны  гүйцэтгэх үүрэг нэмэгдэж мэргэжилтэн бэлтгэх зайлшгүй шаардлага бий болж байна.Иймд нийгмийн энэхүү бодит хэрэгцээ шаардлагад нийцүүлэн чадварлаг боловсон хүчин бэлтгэн гаргахад хөтөлбөрийн зорилго чиглэнэ.

• Ажлын байрны чиглэл, албан тушаал: Төрийн алба 
• УИХ-н тамгын газар
• ЗГХЭГазар
• Яам тамгын газар
• Төрийн алба
• Орон нутгийн засаг захиргааны байгууллага
• Их дээд сургууль
• Эрдэм шинжилгээ судалгааны хүрээлэн
• Олон улсын байгууллага
• Хувийн хэвшил
• Улс төрийн тоймч, шинжээч
• Судалгааны байгууллагуудад судлаач
• Их дээд сургуулиудад  багш , эрдэм шинжилгээний ажилтан.